اچّھا مجھے ایک بات یہ اور بتائیں کہ کوئی ایسی خاص ایک دوا، ایک یا دو دوائیں، بہت ہی خاص، ایک تو آپ نے پڑیا بتائی جو آپ کی جادو کی پڑیا ہے۔۔۔

جی۔۔۔

اس کے علاوہ کچھ یونانی دوا میں، جو کہ باقی لوگ بھی شاید استعمال کرتے ہوں؟ کوئی ایسی خاص دوائیں ہیں جن کے نام آپ ہمیں بتا سکتے ہیں جو بہت مفید مانی جاتی ہیں۔۔۔ کوئی بھی علاج ہو۔۔۔

دوا الشّفا کی گولی آتی ہے، دوا الشّفا، اور ایک گولی آتی ہے حبِّ شفا۔۔۔ جس کا۔۔۔ جس کو نزلہ پرانا ہوتا ہے یہ دوا الشّفا ہم اسے دیتے ہیں جس کو دماغی ٹینشن، ٹینشن جس کو بولتے ہیں، ٹینشن رہتا ہے بیماری جس کو، نیند نہیں آتی ہے، گھبراہٹ ہوتی ہے، یا اسی طریقے سے ہم نے بتلایا دورا بن جاتا ہے، مریض کو، بچّہ ہو یا بڑا ہو، اس کو دورا پڑ جاتا ہے، ہاتھ پیر اینٹھ جاتے ہیں، تو اس کو وہ دوائی دیتے ہیں ہم۔۔۔ وہ دوا الشّفا اس میں بہت زیادہ کام کرتی ہے۔۔۔

ایک اور بات بتائیں کہ، میں دیکھ رہا ہوں کہ آپ کے پاس بلڈ پریشر ناپنے کی مشین بھی ہے اور آپ کے پاس آلہ بھی ہے، اسٹیتھسکوپ۔۔۔

جی۔۔۔ جی۔۔۔

یہ یونانی میں اس کا استعمال کیا جاتا ہے یا یہ آپ اڈشنل ایک، ایلوپیتھک کا ایک طریقہ استعمال کرتے ہیں، تاکہ تھوڑا اور گہرائی میں آپ جائیں؟

اس کا ایسا ہے، بہت مریضوں کو تسلّی نہیں ہوتی ہے نہ ہاتھ سے، تو اس سے بلڈ پرشر کو ناپ کے ذرا تسلّی ہو جاتی ہے کہ ہاں بھئی، بی۔پی  چیک کر لیا میرا، بھئی نارمل ہے، یا ڈاؤن ہو رہا ہے، اپ ہو رہا ہے، یا کیا ہو رہا ہے۔۔۔ تو اس سے تھوڑا مریض کو تسلّی ہو جاتی ہے۔۔۔ ورنہ تو نبض سے پتہ چل جاتا ہے کہ بلڈ پریشر اس کا ڈاؤن ہو رہا ہے یا ہائی ہو رہا ہے۔۔۔ اصل جیز تو نبض ہے۔۔۔ مریض کی تسلّی کے لئے اب ہمیں تھرمامٹر بھی رکھنا پڑتا ہے۔۔۔ اب اس کو بخار ہو رہا ہے۔۔۔ ورنہ تو نبض سے ہی پتہ چل گیا کہ بھئی بخار ہی ہے اس کو۔۔۔ بی۔ پی۔ انسٹرمنٹ رکھ لیا وہیں، مریض کو ناپنے کے لئے، کہ بھئی دیکھ لیا کہاں اس کا بلڈ پریشر ہائی ہو رہا ہے۔۔۔ مریض کو تسلّی ہو گئی کہ ہاں بھئی میرا بی۔ پی۔ چیک کیا۔۔۔ ورنہ ایسے کچھ نہیں ہے، اتنا تو پتہ چل جاتا ہے ایسے۔۔۔ جی۔۔۔